点样透过文化包容建立归属感

作者：Cassandra Banitsiotis，范莎学院（Fanshawe College）幼儿教育领导荣誉学士。粤语翻译：Jingyuan Sun，范莎学院。两位都系 Parents2Partners 实习生，译文经编辑整理。

你有冇试过好难同一啲好似好少参与课堂嘅家长建立联系？花少少时间谂下原因。好多移民家庭同英语学习者家庭，到今日仍然好难喺学校感到被接纳。了解每个家庭嘅背景，可以帮我哋令教学尽量包容。

建立信任嘅关系

用心了解每一个学生同每一个家庭。保持开放嘅心态，学习课室入面唔同嘅文化同背景，营造欢迎所有文化嘅课室气氛。积极回应、互相尊重嘅关系，可以帮你了解每个家庭嘅习俗同价值观。

认识障碍

当家庭冇回应嘅时候，我哋有时会以为佢哋唔关心，但冇问下原因。对仲喺度学英文嘅家庭嚟讲，通讯、电邮同网上平台可能好难明。减少障碍嘅方法：

• 将通讯、电邮同反馈翻译做家庭嘅母语。
• 将小朋友嘅文化背景融入课程计划。
• 拣一啲体现多元化嘅游戏材料同书本。
• 邀请家庭分享代表佢哋传统同价值观嘅音乐、书本或者物品。

放低假设同偏见

假设同偏见系好自然嘅思维方式，但会变成阻碍。留意自己嘅判断从边度嚟，同埋多啲学习相关知识。保持开放要付出努力，但可以令家庭同小朋友感到被重视，亦可以令你成为更有同理心、更加鼓舞人心嘅教育工作者。